U minčanki, jakaja niadaŭna viarnułasia z Kitaja i trapiła ŭ Minskuju haradskuju infiekcyjnuju balnicu, paćvierdzili hryp hrupy V, raspavioŭ na bryfinhu doktar miedycynskich navuk Ihar Karpaŭ, zahadčycy kafiedry infiekcyjnych chvarob BDMU. Padazreńnie na pnieŭmaniju, vyklikanuju karanavirusam, nie paćvierdzilisia, piša Tut.by.

Pa słovach Ihara Karpava, pacyjentka była dastaŭlena ŭ stacyjanar u dzień zachvorvańnia. Jana adčuła boli ŭ ciahlicach, kašal, pavyšeńnie tempieratury.

- Takija pacyjenty pavinny być špitalizavanyja. Na nastupny dzień ja jaje kansultavaŭ, — praciahvaje Ihar Karpaŭ. — Pieršaje, što my vyklučali, — heta pnieŭmaniju. Dyk voś: pnieŭmanii ŭ jaje niama.

Łabaratornyja daśledavańni pakazali, što dziaŭčyna zachvareła na hryp hrupy V. Uviečary 23 studzienia daktary atrymali kančatkovaje paćvierdžańnie dyjahnazu.

— Zaraz pacyjentka atrymlivaje supraćvirusny preparat, prachodzić lačeńnie. U jaje stabilny stan.

Nahadajem, 20-hadovaja Hanna Ilnickaja viarnułasia ŭ Minsk z Kitaja 20 studzienia, jaje zabrali ŭ balnicu z vysokaj tempieraturaj i simptomami VRVI.

U našaj krainie ŭzmacnili prafiłaktyčnyja mierapryjemstvy, kab nie dapuścić raspaŭsiudžvańnia vyjaŭlenaha ŭ Kitai karanavirusa. Pasažyraŭ, jakija laciać z krain, dzie vyjaŭleny virus, praviarajuć u tym liku z prymianieńniem ciepłavizijnaha abstalavańnia.

Клас
0
Панылы сорам
0
Ха-ха
0
Ого
0
Сумна
0
Абуральна
0