Na EP čatyry treki, ale tolki dźvie pieśni. Cprava ŭ tym, što akramia «vurajskich» varyjantaŭ, možna pasłuchać i aŭtentyčnaje vykanańnie žyvymi nośbitami tradycyi. 

«Hetym raz my pastavili pierad saboj zadaču maksimalna zachavać aŭtentyku tvoraŭ - miełodyi, vymaŭleńnie, nastroj i navat tradycyjnuju manieru vykanańnia», — kaža lidar Vuraj Sieržuk Doŭhušaŭ. 

Z hetaj metaj na zapis adnoj ź piesień zaprasili vakalistku połackaha hurtu Varhan Hanna Łutava, jakaja zaśpiavała ź Sieržukom u duecie. U druhoj kampazicyi razam z Vurajem hučać hałasy śpiavačak z narodnaha kalektyvu Babina Leta.

Akramia taho, u zapisie EP paŭdzielničali novy basist Vuraj Pilip Pietčanka, viadomy taksama pa praekcie Dee Tree, i bubnač Alaksiej Maksimaŭ. Zapis prachodziŭ na mienskaj studyi Everest. Źviadzieńnie i majstarynh - Pavieł Siniła. Dyzajn vokładki - Liza Lankievič. Zapis aŭtentyčnych vykanaŭcaŭ - Arciom Pietraškievič.

Pra pieśni

Oj Jurja, Jurja

Kalandarnuju viesnavuju pieśniu Jurja zapisali u vioscy Arančycy Pružanskaha rajonu. Zaśpiavaŭ jaje kalektyŭ Babina Leta, jaki byŭ stvorany jašče ŭ 80ch hadach i pa siońnia praciahvaje tradycyju narodnych śpievaŭ. Kiraŭnicy i najstarejšaj udzielnicy hurtu Taćcianie Pilipaŭnie Puško ŭžo 84 hady, ale śpievam heta nie zaminaje.

Jurja - heta staražytnaje narodnaje śviata ŭ honar śviatoha - zastupnika sialanskaj žyvioły i nivy. Hety dzień adznačaje pačatak viasny, adradžeńnie ziamli. Jurju prosiać uziać u Boha klučy, kab adčynić ziamlu i raspačać novuju paru hodu. Sa śviatam źviazana šmat abradaŭ i pavierjaŭ - tak, pastuchi ŭ hety dzień nie brali z saboj naža, bo vastryć nož - vastryć voŭku zuby.

Kałyna 

Zahłaŭnaja pieśnia EP «Kałyna» raspaviadaje pra los pryhažuni, jakaja niadaŭna pierajechała žyć da muža. Maładoj žoncy ciažka prychodzicca ŭ novaj siamji - śviakroŭ jaje nieŭźlubiła i abhavorvaje. Heta papularny siužet biełaruskich viasielnych piesień: nialohka byvaje dzieŭčynam pakidać baćkoŭski dom i šukać novaj doli ŭ siamji muža.

Pieśnia pachodzić z Paleśsia, z Drahičynskaha rajonu. Zapisali jaje ŭ vioscy Volka ŭ vykanańni siamiejnaha duetu Jeŭdakii Zinovič i Fiodara Bułyhi. Duet vykonvaje staradaŭnija «kolišnija» pieśni, praciahvajučy paleskuju tradycyju. Akramia taho, muzyki zajmajucca tkactvam dy ramiostvami.

Pra hurt Vuraj

Vuraj (Vu-raj) ekśpierymientuje z falkłoram i zajmajecca zachavańniem tradycyjnaj piesiennaj spadčyny Biełarusi. Muzyki źbirajuć narodnyja śpievy ŭ ekśpiedycyjach pa krainie i nadajuć im novaje sučasnaje hučańnie ŭ studyi. U vyniku naradžajucca tvory na miažy roznych stylaŭ ad roku da kłasiki, ale zachoŭvajucca aŭtentyčnyja miełodyi, teksty, dyjalekty.

Hurt vypuściŭ šerah EP i sinhłaŭ, a taksama 4 albomy, apošni ź jakich muzyki zapisali ŭ Varašvie z pradziusieram, jaki maje niekalki naminacyj na Hremi.

Uładalniki premii «Hieroi hodu» ad partału tuzin.fm za ŭniosak u biełaruskuju muzyku. Lepšy folk-albom pa viersii experty.by. Udzielniki mižnarodnych fiestyvalaŭ.

Spasyłki i bolš infarmacyi pra hurt:

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?