24 studzienia ŭ Viciebsku adbylisia dva administracyjnyja pracesy nad udzielnikami akcyj u padtrymku niezaležnaści Biełarusi. Sud Čyhunačnaha rajonu na 675 rubloŭ aštrafavaŭ viciablanina Alaksandra Jakuškova, a Viciebski rajonny sud pakaraŭ štrafam u pamiery 810 rubloŭ Alenu Januškoŭskuju, paviedamlaje Viciebskaja viasna.

Aktyvistaŭ pakarali pavodle adnaho i taho ž administracyjnaha artykułu — 23.34 č.1 (Parušeńnie paradku arhanizacyi albo praviadzieńnia masavych mierapryjemstvaŭ), ale za ŭdzieł u roznych akcyjach.

Alenu Januškoŭskuju sudzili za ŭdzieł u mienskaj akcyi pratestu 21 śniežnia. Spravu razhladała sudździa Natalla Traciakova. Pavodle pratakołu, Januškoŭskaja «21 śniežnia z metaj publičnaha vykazvańnia svajho mierkavańnia ŭziała aktyŭny ŭdzieł u mitynhu suprać intehracyi Rasii i Biełarusi».

Sprava razhladałasia biez samoj abvinavačanaj, jakaja znachodzicca zaraz u lakarni.

Dniom raniej Alena Januškoŭskaja była aštrafavanaja tym ža sudom na 675 rubloŭ za ŭdzieł u mienskaj akcyi suprać intehracyi z Rasiejaj 20 śniežnia.

Spravu aktyvista partyi «Narodnaja Hramada» Alaksandra Jakuškova razhladała ŭ sudzie Čyhunačnaha rajonu Vicbsku sudździa Ała Bardziukova. Pratakoł na aktyvista skłali za ŭdzieł u viciebskaj akcyi ŭ padtrymku niezaležnaści, jakaja prajšła 29 śniežnia na płoščy Pieramohi.

Sprava taksama razhladałasia biez abvinavačanaha — Jakuškoŭ na pasiedžańnie nie źjaviŭsia. Sudździa pryznała jaho vinavatym u parušeńni zakanadaŭstva ab masavych mierapryjemstvach i pakarała štrafam u pamiery 675 rubloŭ.

Клас
Панылы сорам
Ха-ха
Ого
Сумна
Абуральна