Fota Nadziei Bužan

Fota Nadziei Bužan

Pra toje, što DAI nie dazvalaje zdavać paŭtorna kiravańnie na aŭtamabili aŭtaškoły, a patrabuje arandavać svaje mašyny, paviedamiŭ Tut.by.

— Z 1 lutaha DAI nie dazvalaje paŭtorna vykarystoŭvać aŭtamabili aŭtaškoły tym, chto nie zdaŭ kiravańnie ź pieršaha razu, — raspaviali ŭ adnoj sa staličnych aŭtaškoł. — Pakul heta praviła raspaŭsiudžvajecca tolki na «placoŭku», ale kažuć, što z sakavika paŭtornaje kiravańnie na aŭtamabilach DAI pryjdziecca zdavać i ŭ «horadzie».

U pres-słužbie MUS nahadali, što paradak zdačy pryjomu kvalifikacyjnych ekzamienaŭ na prava kiravańnia miechaničnym transpartnym srodkam praduhledžany ŭ śpiecyjalnaj instrukcyi. Tam skazana, što pryjom praktyčnaha ekzamienu ŭ vypusknikoŭ navučalnych arhanizacyj, što ekzamienujucca ŭ składzie hrup, ažyćciaŭlajecca na vučebnym aŭtamabili arhanizacyi, što pravodziła navučańnie. Pradastaŭleńnie nazvanaha navučalnaha aŭtamabila dla pryjomu praktyčnaha ispytu ŭ tych, chto zdaje ispyt, ažyćciaŭlajecca ŭ adpaviednaści z zakanadaŭstvam.

Paradak pryjomu kvalifikacyjnych ekzamienaŭ na prava kiravańnia miechaničnym transpartnym srodkam (za vyklučeńniem kołavaha traktara) ustanoŭleny zakonam «Ab darožnym ruchu».

Kali kazać prosta: zdavać ekzamien pieršy raz (razam z usioj hrupaj) treba na mašynie svajoj aŭtaškoły, a voś na pierazdaču hetaja norma nie raspaŭsiudžvajecca.

Клас
0
Панылы сорам
0
Ха-ха
0
Ого
0
Сумна
0
Абуральна
0