Voźmiem lubuju ź jeŭrapiejskich krain, suvymiernych ź Biełaruśsiu pa svaim nasielnictvie, pa abjomie rynku. Narviehija? Polšča? Estonija? Słavienija? 

Narviehija. Jość dziaržaŭnaja teleradyjokampanija, astatnija ŚMI — pryvatnyja. Asnoŭnyja internet-partały (vg.no, aftenposten.no, dagbladet.no) — usie pryvatnyja. Ź dziaržbiudžetu dafinansavańnie atrymlivajuć usie tyja pryvatnyja ŚMI, jakim nie chapaje ŭłasnych dachodaŭ, tamu što, ličać narviehi, umova sine qua non — heta zdarovaja kankurencyja idej.

Polšča. Jość dziaržaŭnaja telekampanija (jana mocna padyhryvaje dziejnamu kiraŭnictvu), ale jość i pryvatnyja z absalutna roŭnym dostupam i pakryćciom. Usie asnoŭnyja internet-partały (wp.pl, onet.pl, gazeta.pl) — pryvatnyja, niekatoryja naležyć polskim ułaśnikam, niekatoryja — niamieckim. Pryvatny telehihant TVN uvachodzić u hrupu Discovery.

Užo sami tyja prykłady, jakija pryvodzić kiraŭnik Dziaržteleradyjokampanii Ivan Ejsmant, pakazvajuć, jak jon sabie heta bačyć. Jon havoryć pra «Jeŭrańjus». A što takoje «Jeŭrańjus»? Heta kanał na poŭnym dziaržaŭnym finansavańni niekalkich vialikich jeŭrapiejskich dziaržaŭ. Miž inšym, nizkajakasny i niepapularny, jaki nie ŭvachodzić u top rejtynhaŭ ni ŭ adnoj krainie, dzie jon pracuje.

Nivodnaja ź pieradavych jeŭrapiejskich krain, suvymiernych ź Biełaruśsiu, nie robić staŭki na raźvićcio dziaržaŭnych ŚMI.

Tam jakasnyja ŚMI nie za košt prefierencyj dziaržaŭnym, a za košt kankurencyi, i, kali jość prablemy ź jakaściu, krainy ich vyrašajuć za košt uzmacnieńnia kankurencyi.

Jakasnyja ŚMI — umova dla raźvićcia ekanomiki i zdarovaha hramadstva, bo jakasnaja infarmacyja — heta pavietra dla pryniaćcia rašeńniaŭ. Usie pieraličanyja vyšej — mocnyja dziaržavy, z vydatnaj kiravanaściu, ekanomika tam raźvivajecca, uzrovień žyćcia ludziej raście, i ŚMI tam mocnyja.

Absalutna roŭny dostup, pakryćcio, u tym liku i roŭny dostup da dziaržaŭnych datacyj — pavietra dla rostu ŚMI.

Kali na naradu pa raźvićci ŚMI pakličuć kiraŭnikoŭ «Našaj Nivy», Tutbaja, Anłajniera, možna budzie čakać dynamiki. A pakul kiraŭnictvu dziaržavy pradali pierastanoŭku Mukavozčykaŭ miescami.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?