Złučanyja Štaty Amieryki (ZŠA) spadziajucca ŭ budučyni pastaŭlać haz Biełarusi, karystajučysia Kłajpiedskim terminałam zvadkavanaha pryrodnaha hazu (TZPH), zajaviŭ novy pasoł ZŠA ŭ Litvie Robiert Hiłkryst, piša Delfi.
Urad Litvy śćviardžaje, što hatova dapamahčy Minsku damahacca alternatyvy impartu z Rasii, adnak analityki papiaredžvajuć, što ŭ kantralavanaha Maskvoj «Hazproma» jość ryčahi, kab błakavać kankurencyju ŭ Biełarusi.
«Ja byŭ by rady bačyć, što praz Kłajpiedu išoŭ zvadkavany pryrodny haz, jaki traplaŭ by na rynak Litvy, a, mahčyma, i ŭ Biełaruś», — skazaŭ pasoł ZŠA ŭ intervju BNS.
Hiłkryst skazaŭ, što abmierkavaŭ hetaje pytańnie ŭ Vašynhtonie z pradstaŭnikami Dziarždepartamienta ZŠA, źbirajecca abmierkavać hetuju temu i na sustrečach u litoŭskim uradzie.
Na pytańnie BNS, ci viaducca zaraz kankretnyja pieramovy ab pastaŭkach hazu ŭ Biełaruś, pasoł ZŠA adkazaŭ, što heta davoli novaja ideja, ale jość spadzieŭ na vynik. «Na moj pohlad, nadzieja sapraŭdy jość. Sakratar [Majk Pampiea] byŭ tam [u Minsku] paŭtary tydni tamu. Tamu ja dumaju, što ŭsio heta novaje, ale ja ŭžo viedaju, što ZŠA hetym cikaviacca i što pra heta pojdzie havorka na sustrečach va ŭradzie, jakija adbuducca ŭ mianie ŭ najbližejšyja dni», — skazaŭ Hiłkryst.
