U adnym z adździełaŭ milicyi Homiela prosta ŭ kabiniecie zastreliŭsia mužčyna, paviedamlaje tielehram-kanał Nexta. Va UUS Tut.by paćvierdzili fakt incydentu.
— Dniom 11 lutaha ŭ Čyhunačnym RAUS Homiela adbyłosia nadzvyčajnaje zdareńnie, što paciahnuła śmierć čałavieka. Usie materyjały pravierki, u tym liku videa z kamier nazirańnia, pieradadzienyja ŭ SK. Tam pravodziać pravierku, — paviedamiŭ aficyjny pradstaŭnik UUS vobłaści Vital Prystromaŭ.
Pavodle infarmacyi Nexta, adnamu ź miascovych palaŭničych pry prachodžańni čarhovaj miedycynskaj kamisii pastavili dyjahnaz z haliny psichijatryi. Na nastupny dzień da mužčyny pryjšoŭ učastkovy i zabraŭ jak strelbu, tak i patrony, — jaho zachvorvańnie bolš nie dazvalała ich zachoŭvać pa zakonie. Paśla hetaha milicyjanty dali hamielčuku paŭhoda, kab pradać zbroju.
Dniom 11 lutaha mužčyna, pa niepaćvierdžanaj infarmacyi, pryjšoŭ u RAUS i paprasiŭ sfatahrafavać strelbu, kab raźmiaścić abjavu ab prodažy. Zbroju mužčynu dali. Jon nibyta praciraŭ jaje ad pyłu, supracoŭnik, pad nahladam jakoha ŭsio adbyvałasia, na niejki momant adviarnuŭsia — i palaŭničy zaradziŭ strelbu i streliŭ sabie ŭ hałavu. Mužčyna zahinuŭ na miescy.
