classicalsource.com
Hruzčyki ŭ Niamieččynie vypadkova raźbili ŭnikalny rajal, što naležaŭ kanadskaj pijanistcy i jaki kaštavaŭ 194 tysiačy dalaraŭ. Pra heta paviedamlaje CNN.
Viadomaja pijanistka Anhieła Chjuit 17 hadoŭ hrała na adzinym u śviecie fartepijana Fazioli F247 z čatyrma piedalami. Jana vykarystoŭvała instrumient amal dla ŭsich svaich zapisaŭ.
U pačatku lutaha Chjuit tolki skončyła zapis varyjacyj Bietchoviena ŭ Bierlinie, jak u studyju ŭvajšli hruzčyki i paviedamili, što vypadkova vypuścili jaje rajal ručnoj raboty. Pijanistka znachodziłasia ŭ takim šoku, što dziesiać dzion nie mahła raspavieści pra hetu navinu.
U kampanii Fazioli joj skazali, što instrumient nie padlahaje adnaŭleńniu. Pytańnie z vypłataj strachoŭki da hetaha času nie vyrašana.
Chjuit vielmi lubiła svoj instrumient i da hetaha času nie moža pavieryć u toje, što adbyłosia. «Spadziajusia, majmu fartepijana budzie dobra ŭ rai dla fartepijana», — napisała jana. Jana płanuje vybrać novy instrumient ad kampanii Fazioli ŭ nastupnyja niekalki miesiacaŭ.