Biełaruś prapanavała rasijskim kampanijam, jakija vałodajuć AZS u krainie, davalnickuju schiemu dla pastavak naftapraduktaŭ na ich zapraŭki, zajaviŭ u sieradu ria.ru pres-sakratar dziaržkancerna «Biełnaftachim» Alaksandr Ciščanka.
«Biełnaftachim» užo nieadnarazova prapanoŭvaŭ matčynym strukturam rasijskich kampanij źviarnuć uvahu na mahčymaść davalnickaj schiemy. Schiema zaklučajecca ŭ tym, što jany pastaŭlajuć naftu dla pierapracoŭki (na dva NPZ krainy) i nastupnuju pastaŭku (naftapraduktaŭ) na svaje daččynyja AZS u Biełarusi. Hetaja prapanova pakul sustrečnych chadoŭ nie atrymała», — raspavioŭ Ciščanka.
Pa słovach pres-sakratara, hetaja prapanova źviazana ź niekatorymi «prajavami niervovaści» z boku «dačok» rasijskich kampanij-uładalnikaŭ AZS, što źviazana ź niavyznačanaj situacyjaj u naftavaj śfiery dla Biełarusi. Miž tym Ciščanka padkreśliŭ, što NPZ respubliki rehularna adhružajuć paliva na zapravačnyja stancyi pa ŭsioj krainie.
