Novaja litaraturnaja premija imia Vasila Dmytryjuka budzie ŭručacca štohod aŭtaram ź Biełarusi, jakija pišuć ukrainskaj movaj, za tvory, apublikavanyja ŭ minułym hodzie. Fundatar i arhanizatar premii — Ukrainski navukova-piedahahičny sajuz «Bierahinia» (h. Brest).
Padčas praviadzieńnia 3-j mižnarodnaj kanfierencyi «Bieraściejski mir u kantekście historyi i kultury Uschodniaj Jeŭropy», jakaja adbyłasia ŭ Breście 8-9 lutaha, adbyłosia ŭručeńnie premii pieršym łaŭreatam.
U naminacyi «Najlepšy artykuł» premiju atrymała kandydat histaryčnych navuk ź Minska, namieśnica hałoŭnaha redaktara «Našaj historyi» Paŭlina Skurko za artykuł «Kniha na Bieraściejščynie ŭ vojnach 17-ha stahodździa» «za prabudžeńnie cikavaści da kulturnych nabytkaŭ rehijonu i źbieražeńnie duchoŭnaj spadčyny».
U naminacyi «Papularyzacyja mastackaj tvorčaści» ŭznaharodu atrymaŭ kampazitar i paet Arsen Teteruk z Bresta za knihu-piesieńnik «Paleskija pierazvony», jakaja składajecca z 2 častak: aŭtarskija pieśni Teteruka i ŭkrainskija narodnyja pieśni, papularnyja ŭ rodnaj vioscy aŭtara — Pavićcie Kobrynskaha rajona.
Arsen Teteruk atrymlivaje premiju
U naminacyi «Najlepšaje navukovaje vydańnie» ŭznaharodu atrymaŭ krajaznaviec ź Pinska, kandydat fizika-matematyčnych navuk Alaksandr Iljin — suaŭtar 640-staronkavaj knihi «Narysy historyi Biaroza-Kartuzskaha kancłahieru». Vydańnie adznačana za «vysoki navukovy ŭzrovień, śćviardžeńnie histaryčnaj pamiaci, stvareńnie navukovych aryjenciraŭ, značny ŭkład u nacyjanalnaje kulturnaje adradžeńnie».
U naminacyi «Najlepšaje navukovaje vydańnie» ŭznaharodu atrymaŭ Alaksandr Iljin ź Pinska
U naminacyi «Najlepšy mastacki tvor» uznaharodu atrymała Natałka Babina za raman «Badaj, Budka», jaki ŭ minułym hodzie vyjšaŭ ukrainskaj movaj u Biełarusi dy Ukrainie, za «svojeasablivaść idei, śćviardžeńnie vysokich duchoŭnych kaštoŭnaściaŭ, vyraznuju hramadzianskuju pazicyju».
Natałka Babina: Ja nie mahła pisać svoj druhi raman na inšaj movie, čym ukrainskaja
Natałka Babina atrymała ŭznaharodu za raman «Badaj, Budka»
Vasil Dmytryjuk, čyim imieniem nazvanaja premija — znakavaja fihura ŭkrainskaha ruchu ŭ Bieraści ŭ mižvajenny čas. Doktar, pasoł Siejmu Polščy ad błoku nacyjanalnych mienšaściaŭ, kiraŭnik ukrainskaj partyi «Sielrob» i «Praśvity na Paleśsi», aŭtar miemuaraŭ «Darohami vajny i miru». 130 hadoŭ z dnia jaho naradžeńnia adznačałasia 1 studzienia 2020 hoda.