Fota Jaŭhiena Ihošava
U Pružanskim rajonie statak zubroŭ, jaki naličvaje bolš za 50 hałoŭ, vyjšaŭ na pole kala «puščanskaj abjaznoj» trasy R98 Piasčatka-Śvisłač, piša Tut.by.
Śviedkam źjaŭleńnia zubroŭ staŭ haradzieniec Jaŭhien Ihošaŭ. Jon raspavioŭ, što ŭ toj dzień jechaŭ z baćkam dadomu pa abjaznoj darozie vakoł Biełaviežskaj puščy. Statak vyjšaŭ ź lesu na pole ŭ Pružanskim rajonie. Chłopiec zrabiŭ fatahrafiju žyvioł i raźmiaściŭ u siabie ŭ tvitary. Miarkujučy pa fota, statak naličvaje bolš za 50 hałoŭ.
Nasamreč u palach Pružanskaha rajona zubry nie redkaść. U Biełaviežskaj puščy jany nie haładajuć, dla ich tam šmat karmušak. Ale na pali niekatoryja zubry chodziać pa «smačniaški» — raps i azimyja.
