Fota Vadzima Zamiroŭskaha
Šviejcaryja spadziajecca, što Biełaruś budzie iści pa šlachu demakratyzacyi, i hatovaja dapamahčy respublicy ŭ hetym, zajaviŭ kiraŭnik šviejcarskaha MZS Injacya Kasis pa vynikach pieramoŭ ź ministram zamiežnych spraŭ Biełarusi Uładzimiram Makiejem u Minsku, piša Tut.by.
— My raźličvajem, što Biełaruś budzie iści pa šlachu demakratyzacyi, zachavańnia pravoŭ čałavieka. Choć my razumiejem, što hety šlach nialohki i dosyć doŭhi. My ličym, što kirunak ruchu Biełarusi pravilny. Jak luby demakratyčny praces, jon patrabuje času i vysiłkaŭ. Šviejcaryja hatovaja sa svajho boku akazać nieabchodnuju padtrymku, — skazaŭ Kasis.
Kiraŭnik MZS nahadaŭ, što Šviejcaryja vystupaje suprać prymianieńnia śmiarotnaha pakarańnia, tamu hetuju temu jon padniaŭ na sustrečy z Alaksandram Łukašenkam u Minsku.
— My ličym važnym krokam biełaruskaha boku ŭ hetym napramku dziejnaść parłamienckaj rabočaj hrupy pa pytańni admieny śmiarotnaha pakarańnia, — skazaŭ kiraŭnik MZS Šviejcaryi.
