Uviedzieny jubilejny miedal «75 hadoŭ Pieramohi ŭ Vialikaj Ajčynnaj vajnie 1941-1945 hadoŭ». Adpaviedny ŭkaz numar 51 Alaksandr Łukašenka padpisaŭ 13 lutaha, paviedamlaje BiełTA.
Na aviersie miedala budzie raźmieščana kampazicyja z vyjavaj voina-pieramožcy sa ściaham, partyzana z aŭtamatam va ŭźniataj ruce i žančyny z bukietam kvietak. Na advarotnym baku - nadpis z nazvaj miedala i vianok ź listoŭ łaŭra i duba, abvity stužkaj. Vyrablena ŭznaharoda budzie z łatuni.
Jubilejny miedal budzie prysudžvacca vieteranam Vialikaj Ajčynnaj vajny, byłym viaźniam fašysckich łahieraŭ, turmaŭ, hieta i inšych miescaŭ prymusovaha ŭtrymańnia, stvoranych fašystami i ich sajuźnikami ŭ hady Druhoj suśvietnaj vajny, a taksama vajennasłužačym Uzbrojenych Sił, inšych vojskaŭ i voinskich farmiravańniaŭ Biełarusi, rabotnikam dziaržaŭnych orhanaŭ i inšym asobam, jakija ŭnieśli značny ŭkład u hieroika-patryjatyčnaje vychavańnie hramadzian, uviekaviečvańnie pamiaci zahinułych, arhanizacyju mierapryjemstvaŭ, pryśviečanych 75-hodździu Pieramohi ŭ Vialikaj Ajčynnaj vajnie.
Finansavańnie raschodaŭ pa vyrabie miedaloŭ budzie ažyćcioŭlena ŭ miežach srodkaŭ, praduhledžanych u respublikanskim biudžecie na ŭtrymańnie Uzbrojenych Sił.
