Kazachstan hatovy pradavać naftu Biełarusi pry ŭmovie vypłaty ekspartnaj pošliny. Pra heta paviedamiŭ siońnia žurnalistam vice-ministr handlu i intehracyi Kazachstana Kajrat Tarebajeŭ, piša Interfax.by.

«Naša kraina, kali ekspartuje naftu, vykarystoŭvaje mytnuju pošlinu. Na naftu jana ŭ pamiery $60 za tonu i kala $30 — za pierapracavany pradukt», — adznačyŭ Kajrat Tarebajeŭ.

«Biełaruś, u vypadku zaklučeńnia pahadnieńnia, pavinna budzie prymianiać takuju ​​pošlinu, kab nie było svajho rodu pieratokaŭ z Kazachstana ŭ JeC praź Biełaruś. Tak, my hatovyja pradavać naftu ŭ Biełaruś z ekspartnaj pošlinaj», — udakładniŭ vice-ministr.

«My pavinny zaścierahčy svoj rynak, kab nie było reekspartu», — dadaŭ jon.

Vice-ministr rastłumačyŭ: «Pytańnie ŭ tym, što ŭ nas ŭnutranaja cana na haz subsidujecca z ekspartnaj mytnaj pošliny na naftu. My ličym, što kali my nie budziem vykarystoŭvać hety miechanizm (prodažu nafty ŭ Biełaruś z pošlinaj), to hadavyja straty składuć prykładna $200 młn pry pastaŭcy za 3,5 młn ton nafty».

Miž tym, pavodle jaho słoŭ, «pahadnieńnie pavinna być zaklučana, heta ŭ intaresach abodvuch bakoŭ». «My spadziajemsia, što biełaruskija kalehi zmohuć pravilna administravać praces, h. zn. harantavać, što nie budzie reekspartu nafty i naftapraduktaŭ», — skazaŭ Tarebajeŭ.

«Kazachstanu patrebna harantyja, što naftapradukty, jakija buduć vypracavany na biełaruskich NPZ z kazachstanskaj nafty, buduć spažyvacca vyklučna na ŭnutranym rynku», — adznačyŭ vice-ministr, kamientujučy sutnaść administravańnia.

Pavodle jaho słoŭ, «treba vypracavać śpiektr ŭzajemaprymalnych rašeńniaŭ, naprykład, rabić bałansavy analiz (pastavak nafty i spažyvańnia naftapraduktaŭ) — jak i kudy heta ŭsio spažyvajecca».

Pavodle jaho słoŭ, «našy kamandy praciahvajuć dyjałoh, i my čakajem ad biełaruskich kaleh pracoŭnaha miechanizmu — usio zaležyć ad hetaha». «Ci biełarusy buduć kuplać naftu z pošlinaj abo biez pošliny, ale z harantyjaj adsutnaści reekspartu. Možna i tak by skazać», — dadaŭ jon.

Клас
Панылы сорам
Ха-ха
Ого
Сумна
Абуральна