Va ŭzroście 45 hadoŭ nie stała kampazitara, aranžyroŭščyka, kłavišnika Dźmitryja Pienkrata. Aficyjnym miescam pracy Pienkrata byŭ Dziaržaŭny ansambl tanca, tam jon byŭ zahadčykam muzyčnaj častki. U kalektyvie pra śmierć supracoŭnika daviedalisia siońnia rankam.

Telehram-kanał «Paparatar» paviedamiŭ, što pryčynaj śmierci staŭ suicyd. «NN» spraŭdziła hetuju infarmacyju ŭ niekalkich krynicach, jakija paćvierdzili tuju ž pryčynu śmierci muzykanta.

Dźmitryj Pienkrat byŭ viadomym čałaviekam u muzyčnaj tusoŭcy Biełarusi. Jon pracavaŭ razam z Hieorhijem Kałdunom, Irynaj Darafiejevaj, a taksama z šeraham inšych tvorcaŭ. U Dźmitryja Pienkrata zastałasia žonka, a taksama troje dziaciej.

Raźvitańnie z muzykam adbudziecca 4 sakavika na Paŭnočnych mohiłkach. Svajaki prosiać prynosić tolki žyvyja kvietki.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?