Aŭtavakzał «Uschodni» ŭ Minsku, jaki začynieny ź leta 2016 hoda, znoŭ pačnie prymać mižharodnija aŭtobusy. Pasažyry zaŭvažyli, što dniami na płatformach pačali ŭstaloŭvać novyja elektronnyja tabło, paviedamlaje The Village.
Infarmacyju pra adkryćcie aŭtavakzała paćvierdzili ŭ filijale «Minski aŭtavakzał», a taksama dadali, što adkryćcio rychtujecca na praciahu niekalkich dzion; adnak dać apieratyŭnyja kamientary pradstaŭniki «Minskaha aŭtavakzała», «Minsktransa» i «Staličnaha transpartu i suviazi» admovilisia.
Jakija mienavita rejsy buduć spyniacca na «Uschodnim», pakul niezrazumieła. U anłajn-servisach raskładaŭ «Minsktransa» i «Biełtranskom» amal nie sustreć zhadki hetaha aŭtavakzała ŭ jakich-niebudź rejsach. Redkaje vyklučeńnie — aŭtobus Homiel-Kioln, jaki, miarkujučy pa dvuch raskładach, prachodzić praz aŭtavakzał «Uschodni» pa niadzielach u 12:00.
