U karancinie ŭ suviazi z vypadkami karanavirusa pad nahladam daktaroŭ znachodzicca 271 čałaviek. Pra heta paviedamlaje Minzdaroŭja na svajoj staroncy ŭ telehram. Taksama ŭ viedamstvie supakojvajuć, što ŭsim, chto znachodzicca ŭ kantaktnych centrach, vydaduć daviedki i listki niepracazdolnaści, z vučobaj i pracaj ciažkaściaŭ nie ŭźniknie. 

Ahułam u Biełarusi pa stanie na paniadziełak, 2 sakavika, zarehistravanyja try vypadki karanavirusa. Adnak ich vyniki jašče adpraviać u adnu z łabaratoryj Suśvietnaj arhanizacyi achovy zdaroŭja, kab ich paćvierdzić. 

Stan žycharki Viciebska, u jakoj vyjaŭleny karanavirus, zdavalniajučy. U jaje narmalnaja tempieratura, žančyna praktyčna zdarovaja.

Dva pacyjenty ŭ Minsku taksama pačuvajucca narmalna, u ich navat nie było tempieratury. «My kantralujem situacyju. U vypadku nieabchodnaści hatovyja akazać dapamohu», — dadaŭ zahadčyk kafiedry infiekcyjnych chvarob Biełaruskaha mieduniviersiteta, prafiesar Ihar Karpaŭ.

Miery epidemijałahičnaha nahladu buduć i dalej vykanany, padkreślili na bryfinhu.

«My nie ŭvodzim abmiežavańnia na vyjezdy — my nie rekamiendujem vyjezd u šerah krain, nienadziejnych z punktu hledžańnia sanepidabstanoŭki», — skazali ŭ Minzdaroŭja.

Nahadajem, što 28 lutaha stała viadoma pra pieršy vypadak zachvorvańnia karanavirusam u Biełarusi. 27 lutaha testy pakazali najaŭnaść virusa ŭ studenta BNTU ź Irana, jaki prylacieŭ u Minsk rejsam z Baku. Razam sa studentam byli špitalizavany jaho dziaŭčyna, jaje baćki i siastra.

U baćki niaviesty paźniej adzin z testaŭ pakazaŭ «sumniŭny vynik».

A 1 sakavika ŭ adnym z testaŭ, jaki byŭ uziaty ŭ žycharki Viciebska, pracaŭnicy chołdynhu «Marka», što jeździła na vystavu ŭ Miłan, byŭ vyjaŭleny frahmient RNK, jaki moža naležać typu karanavirusa 2019-nCoV.

Dla žycharoŭ Minska adkryta haračaja linija pa pytańniach karanavirusnaj infiekcyi +375173343468. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?