Za minułyja sutki na terytoryi macierykovaha Kitaja zarehistravali 125 novych vypadkaŭ zaražeńnia karanavirusnaj infiekcyjaj COVID-19, paviedamlaje Nacyjanalnaja kamisija pa achovie zdaroŭja. Takim čynam, kolkaść vyjaŭlenych sa śniežnia minułaha hoda vypadkaŭ zaražeńnia skłała 80 151.

Ułady zarehistravali 31 śmiarotny vypadak (usie — u pravincyi Chubej, dzie pačałosia raspaŭsiudžvańnie infiekcyi), kolkaść achviar tam dasiahnuła 2943. Razam z tym vyzdaravieli i vypisalisia z balnic — 47 204, ź ich 2742 za apošnija sutki).

Pad miedycynskim nahladam zastajucca bolš jak 40,6 tys. čałaviek, jakija blizka kantaktavali z chvorymi.

Na terytoryjach pa-za macierykovym Kitajem zafiksavany 151 paćvierdžany vypadak zachvorvańnia: 100 u Hankonhu (dva čałavieki pamierli), 41 na Tajvani (adzin pamior) i dziesiać u Makaa.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?