Mun Čže In (treci źleva) na pasiedžańni Kabmina

Mun Čže In (treci źleva) na pasiedžańni Kabmina

Prezident Paŭdniovaj Karei Mun Čže In u chodzie pasiadžeńnia ŭrada zajaviŭ, što jaho kraina pačała vajnu suprać karanavirusa, achviarami jakoha stali 28 miascovych žycharoŭ. Jon zapatrabavaŭ ad usich ministerstvaŭ i ŭradavych ahienctvaŭ kruhłasutačna być hatovymi da nadzvyčajnych situacyj, paviedamlaje RBK.

«Kryzis u [horadzie] Tehu i pravincyi Kionsan-Pukto dasiahnuŭ svajho piku, i ŭsia kraina ŭstupiła ŭ vajnu ź infiekcyjnym zachvorvańniem», — skazaŭ Mun Čže In.

Pa słovach kiraŭnika dziaržavy, na nieadkładnyja miery pa baraćbie z karanavirusam budzie nakiravana 30 trłn von ($ 25 młn). Prezident taksama vybačyŭsia pierad žycharami krainy za niazdolnaść u karotkija terminy zabiaśpiečyć usich miedycynskimi maskami. Jon paabiacaŭ, što hetaja prablema budzie vyrašana ŭ najbližejšy čas.

Za apošnija sutki kolkaść zachvarełych u Paŭdniovaj Karei pavialičyłasia na 600 čałaviek — da 4812 čałaviek. 28 pacyjentaŭ pamierli. Bolš za 75% infikavanych — žychary horada Tehu, jakija ŭvachodzili ŭ relihijnuju siektu «Sinčchondžy», jakaja ŭ pačatku hoda praviała źjezd svaich prychilnikaŭ va Uchani.

Jak paviedamlaje Bi-bi-si, kiraŭnik siekty Li Man Chi napiaredadni staŭ na kaleni padčas pres-kanfierencyi, paprasiŭšy prabačeńnia pierad žycharami Paŭdniovaj Karei za raspaŭsiud karanavirusa. Pry hetym jon padkreśliŭ, što złoha namieru ŭ členaŭ «Sinčchondžy» nie było.

Клас
Панылы сорам
Ха-ха
Ого
Сумна
Абуральна