Karystalniki Windows 10 raspaviali ab vychadzie čarhovaha prablemnaha abnaŭleńnia. U niekatorych vypadkach sistemny apdejt pryvodziŭ da fatalnych pamyłak, naprykład, «siniaha ekranu śmierci», paviedamlaje Windows Latest.

Abnaŭleńnie KB4535996 było vypuščana 27 lutaha. Jano nie źjaŭlajecca abaviazkovym, heta značyć nie ŭstaloŭvajecca sistemaj u aŭtamatyčnym režymie. Adnak Microsoft rekamiendavała karystalnikam Windows abnavicca, bo KB4535996 vypraŭlaje papiarednija pamyłki, uklučajučy prablemy ź sistemnym pošukam. Vydańnie źviarnuła ŭvahu, što mnohija ŭładalniki licenzijnych kopij Windows paskardzilisia na abnaŭleńnie.

Zhodna z vodhukami, čaściakom sistema nie moža skončyć ŭstanoŭku apdejta, vyklikajučy zboj i pierazahruzku kampjutara. Častka karystalnikaŭ paskardziłasia na źjaŭleńnie krytyčnaj pamyłki BSoD, viadomaj jak «sini ekran śmierci». Niekatoryja karystalniki ŭdakładnili, što paśla paśpiachovaj ŭstanoŭki KB4535996 pahoršyłasia pradukcyjnaść PK i źjavilisia «vypadkovyja zavisańni».

U suviazi z tym, što abnaŭleńnie nie źjaŭlajecca abaviazkovym, žurnalisty parekamiendavali nie stavić jaho. U vypadku, kali KB4535996 ŭžo było instalavana, karystalnikam paraili vydalić jaho praz Centr abnaŭleńnia Windows.

Z kanca lutaha Microsoft pačali padzialać usie abnaŭleńni na abaviazkovyja i dadatkovyja, ŭstanoŭka jakich ažyćciaŭlajecca pry žadańni karystalnika. Kampanija ŭdakładniła, što padobny padychod daść mahčymaść bolš tonka naładzić Windows pad kožnaha kankretnaha karystalnika.

Клас
Панылы сорам
Ха-ха
Ого
Сумна
Абуральна