VYJAVLEN NOVYJ SŁUČAJ KORONAVIRUSA RIADOM S TVOIM SIEŁOM, SROČNO ČITAJ!!!

Jak časta vy bačyli takija paviedamleńni za apošnija dni?

Paśla pieračytvańnia ŭsich navinaŭ ab karanavirusie ty prosta abaviazany biehčy ŭ apteku i patrabavać tam miedycynskuju masku, heta nie maje značeńnia, što SAAZ prainfarmavała ab tym, što maski tabie praktyčna nijak nie dapamohuć i važniej zachoŭvać elemientarnuju hihijenu — patrabuj masku, łukašenkaŭski režym ad ciabie ich jaŭna chavaje!

Dy što tam maski, heta ŭsio kryvavy režym vinavaty ŭ tym, što karanavirus užo ŭ Minsku, heta ŭsio siabry Łukašenki: irancy, kitajcy! Navat nie sprabuj uzhadvać prykład Italii i inšych cyvilizavanych krain, heta ŭsio vina režymu, druhi etnacyd paśla Čarnobyla!

Albo ty papularny błohier i možaš na svaju aŭdytoryju raspaŭsiudžvać biaźmiežnuju mudraść, naprykład, možaš raskazvać, što było b fajna zakryć miežy, heta ž tak efiektyŭna ŭ XXI stahodździ, śviet ni razu nie staŭ hłabalnym, usie žyvuć u svaich chacinkach na chutarach, razmaŭlajuć doma taraškievicaj i nie kantaktujuć pamiž saboj. Nu i kaniešnie, biełaruskich hramadzianaŭ, jakija nie mohuć zachvareć na karanavirus, my budziem zapuskać praź miažu, tamu što my biełarusy, na takoje nie možam zachvareć, a voś astatnim ujezd varta abmiežavać. I navat nie sprabujcie ŭzhadvać pra inkubacyjny pieryjad u ceły miesiac, heta ŭsio fihnia.

Dy i ŭvohule, ty tak časta baišsia niejkich padazronych ludziej na vulicy? Napeŭna, heta mańjak, zabojca, stopudova. Dziŭna, dziŭna, ale ž pa statystycy bolšaść zabojstvaŭ ździejśniajuć ludzi, znajomyja pamiž saboj. A viedaješ što jašče bolš cikava? Za minuły hod u Biełarusi było ździejśniena ŭ 6 raz bolš suicydaŭ, čym zabojstvaŭ. Tolki my čamuści bolš lubim pračytać ab rasčlanioncy i karanavirusach, a nie što-niebudź ab tym, jak nadładzić svoj unutrany śviet.

Toje ž samaje datyčycca, naprykład, dabradušnych biznesmienaŭ, jakija raptam pačynajuć kłapacicca ab zdaroŭi čałaviectva, pry tym što raniej u hetym nikoli nie byli zaŭvažany. «Varhiejminh» nie tak daŭno paviedamiŭ, što vydatkuje 10 młn dalaraŭ na baraćbu z karanavirusam. Nu kaniečnie, karanavirus heta cikava, ab hetym mohuć i ŭsie suśvietnyja ŚMI napisać, nie toje što tam prosta pabudavać balnicu ŭ Biełarusi — niechajpovieńka.

My baimsia ŭsiaho što zaŭhodna, takoha nieviadomaha i žachlivaha, ale prytym absalutna nie zaŭvažajem kudy bolš realnyja i strašnyja rečy, jakija adbyvajucca pobač z nami štodnia. I da ich, na žal, mała ŭ kaho jość intares.

Kroŭ, katastrofy, virusy, viasielle jakoha-niebudź brytanskaha prynca albo kałhasnaha sielebryci — jość šmat važniejšaha za heta.

Jak paślasłoŭje, chaču dałučyć nievialički ŭryvak knihi Koba Abe, mnie zdajecca, usim nam jość nad čym padumać:

«I ŭsio ž, razumiejecie… čamu ŭsim patrebnyja naviny?.. Moža być, dla taho, kab u krytyčny momant być u poŭnym uzbrajeńni, choć zahadzia viadoma, što ŭsie na śviecie mianiajecca? Raniej ja taksama tak dumaŭ. Ale heta chłuśnia. Čałaviek słuchaje naviny tolki dla taho, kab supakoicca. Jakuju b uzrušajučuju navinu jamu ni paviedamili, kali čałaviek słuchaje jaje, značyć, jon žyvy — voś u čym reč. Pa-sapraŭdnamu ŭzrušajučaja navina — heta apošniaja navina, što abviaščaje pra kaniec śvietu. Zapavietnaja mara kožnaha — zmahčy pačuć jaje. Tamu što heta budzie aznačać, što ŭdałosia pieražyć kaniec śvietu. Kali ŭdumacca, to, jak mnie ŭjaŭlajecca, majo atručvańnie było vyklikana mienavita imknieńniem nie prapuścić hetaj apošniaj pieradačy. Ale naviny ŭsio išli i išli biez kanca, tak i nie pieratvarajučysia ŭ apošniuju. Heta značyła, što naviny ŭsio jašče nie apošnija. Jany buduć praciahvacca i nadalej — tolki stereatypnyja frazy stanuć jašče karaciejšyja. Minułaj nočču «B-52« praviali samy bujny ŭ hetym hodzie nalot na Paŭnočny Vjetnam, a ty ŭsio ž taki zastaŭsia žyvy. Na hazavym zavodzie adbyŭsia pažar, vosiem čałaviek atrymali ciažkija apioki, a ty nie paciarpieŭ i zastaŭsia žyvy. Novaje vielizarnaje pavyšeńnie cen, a ty praciahvaješ žyć. Z-za vykidu pramysłovych adchodaŭ u zalivie źniščana ŭsia ryba, a ty ŭsio ž taki zastaŭsia žyvy».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?