Fota ź instahrama Kryšcijanu Ranałdu
Maci partuhalskaha forvarda «Juvientusa» Kryšcijanu Ranałdu Dałores Aviejru špitalizavana paśla insultu. Pra heta paviedamlaje Mais Futebol.
Aviejru znachodzicca ŭ śviadomaści, jaje stan stabilny. Paviedamlajecca, što daktary praviaduć šerah testaŭ z metaj ustalavać surjoznaść nastupstvaŭ insultu.
U 2019 hodzie Aviejru pryznałasia, što znoŭ sutyknułasia z rakam hrudziej: maci futbalista ŭžo apieravali ŭ 2007 hodzie. U efiry partuhalskaha telebačańnia žančyna pryznałasia, što znoŭ pieražyła chirurhičnaje ŭmiašańnie i prajšła kurs radyjoterapii.





