Prezident Sajuza jeŭrapiejskich futbolnych asacyjacyj (UEFA) Aleksandar Čefieryn upeŭnieny ŭ tym, što čempijanat Jeŭropy 2020 hoda adbudziecca, niahledziačy na prablemy z karanavirusam. Pra heta Čefieryn raspavioŭ na pres-kanfierencyi pa vynikach pasiadžeńnia kanhresa UEFA, piša Tut.by.
Čempijanat Jeŭropy zapłanavany z 12 červienia pa 12 lipienia ŭ 12 jeŭrapiejskich haradach. Hulni turniru prymuć Łondan, Miunchien, Baku, Rym, Bucharest, Dublin, Kapienhahien, Bilbaa, Hłazha, Budapiešt, Sankt-Pieciarburh i Amsterdam.
«My arhanizujem čempijanat Jeŭropy ŭ 12 krainach i spraŭlajemsia z roznymi pytańniami, u tym liku i z hetym virusam. My ŭpeŭnienyja ŭ tym, što turnir adbudziecca. My nastrojeny aptymistyčna. Nie žadajem dumać pra zmročnyja scenary», — skazaŭ Čefieryn.
