U imia Boha…
Pasolstva Isłamskaj Respubliki Iran u Respublicy Biełaruś raźličvaje, što ŭ adpaviednaści z Zakonam Respubliki Biełaruś ab druku adkaz pasolstva na navinu, raspaŭsiudžanuju pad zahałoŭkam «Chłusić nie charam? Karanavirus pryjšoŭ u Biełaruś z krainy, jakaja chavała realnuju situacyju» budzie apublikavany:
Na žal, praz hłabalnuju ŭspyšku karanavirusa Iran, jak i niekatoryja krainy, byŭ uciahnuty ŭ hetuju prablemu. Na najvyšejšym uzroŭni va ŭradzie Isłamskaj Respubliki Iran byŭ stvorany Kamitet pa baraćbie z karanavirusom. Aficyjnymi ŚMI krainy štodnia publikujecca adpaviednaja infarmacyja ab rašeńniach pa supraćstajańni jamu.
Što tyčycca dakładnaści statystyčnych źviestak pra virus u Iranie, Hienieralny dyrektar Suśvietnaj arhanizacyi achovy zdaroŭja aficyjna zajaviŭ, što arhanizacyja nie vyjaviła jakich-niebudź dokazaŭ ab najaŭnaści jakich by tam ni było prablem sa statystyčnymi źviestkami, pradstaŭlenymi Iranam ab zaražanych i achviarach karanavirusa.
Varta adznačyć, što iranski student, jaki prybyŭ samalotam u Minsk z Baku 22 lutaha, nie pieršy [Ministerstva achovy zdaroŭja Biełarusi nazvała vypadak ź iranskim studentam pieršym u krainie — NN] vypadak zachvorvańnia karanavirusam u Biełarusi.
Vy, napeŭna, viedajecie, što za apošnija 40 hadoŭ u Isłamskaj Respublicy Iran było praviedziena kala 40 vybaraŭ, u tym liku prezidenckich, parłamienckich i h. d. Usie słužbovyja asoby ŭ krainie prosta ci ŭskosna abirajucca narodam, prykładaŭ čamu mała ŭ rehijonie Zachodniaj Azii. Kali sudzić biesstaronna, iranskaja ŭłada zaŭsiody była adkrytaj i sumlennaj ŭ adnosinach da svajho narodu.
My spadziajomsia, što dźvie družalubnyja krainy — Iran i Biełaruś — buduć supracoŭničać u ciapierašnich składanych umovach, kab zabiaśpiečyć zdaroŭje i biaśpieku ludziej abiedźviuch krain.
