Fiederalnaja reziervovaja sistema (FRS) ZŠA, jakaja vykonvaje funkcyi CB krainy, u aŭtorak na sklikanym upieršyniu z času finansavaha kryzisu 2008 hoda ekstranym pasiadžeńni źniziła staŭku na pałovu pracentnaha punkta ŭ ramkach baraćby z ryzykami z-za karanavirusa, piša tass.ru.
Pra heta havorycca ŭ zajavie Fiederalnaha kamiteta pa apieracyjach na adkrytym rynku (FOMC, kiraŭnictva FRS).
«Asnovy amierykanskaj ekanomiki zastajucca mocnymi. Adnak karanavirus stvaraje novyja ryzyki dla ekanamičnaj aktyŭnaści. U śviatle hetych ryzyk i ŭ padtrymku metaŭ dasiahnieńnia maksimalnaj zaniataści i stabilnaści cen FOMC siońnia [ŭ aŭtorak] pryniaŭ rašeńnie źnizić metavy dyjapazon staŭki pa fiederalnych fondach na 0,5 pracentnaha punkta — da 1-1,25%», — adznačajecca ŭ zajavie.
