U Minsku, jak i raniej u Bresckaj vobłaści, časova prypynili płanavuju špitalizacyju ŭ balnicy. Heta nie tyčycca pacyjentaŭ ankałahičnaha profilu. Ekstranaja dapamoha taksama budzie akazvacca nieadkładna i ŭ poŭnym abjomie.
U redakcyju tut.by źviarnuŭsia minčanin. U jaho parušeńnie sardečnaha rytmu, i jon płanava pavinien byŭ lehčy ŭ Minski navukova-praktyčny centr chirurhii, transpłantałohii i hiematałohii. Adnak kali siońnia jon pryjechaŭ u kliniku, to jamu patłumačyli, što ŭ suviazi ź situacyjaj z karanavirusam płanavyja špitalizacyi admianiajucca. Mužčynu prapanavali pakul źviarnucca ŭ palikliniku pa miescy žycharstva.
— U studzieni hetaha hoda mnie rabili praceduru pa adnaŭleńni sardečnaha rytmu, ciapier treba było rabić paŭtorna, — kaža jon.
Načalnik adździeła śpiecyjalizavanaj miedycynskaj dapamohi kamiteta pa achovie zdaroŭja Minharvykankama Iryna Drozd paćviardžaje: ad 2 sakavika va ŭsich klinikach Minska časova prypynili płanavyja špitalizacyi. Rašeńnie nie zakranuła tolki płanavyja špitalizacyi ankałahičnaha profilu. Heta zroblena, kab papiaredzić paharšeńnie epidemijałahičnaj situacyi z-za siezonnaha ŭzdymu vostrych reśpiratornych infiekcyj.
Płanavaj špitalizacyjaj, naprykład, ličycca zamiena sustavaŭ. Pytańnie z kardyjałahičnym pacyjentami abiacajuć vyrašać indyvidualna.
— Kali čałaviek zachvareje virusnaj infiekcyjaj padčas płanavaj špitalizacyi, jamu ŭsio roŭna nie buduć rabić hetuju apieracyju i vypišuć dadomu, — tłumačyć važnaść pryniataj miery Iryna Drozd.
Raniej paviedamlałasia, što 29 lutaha ŭ špitalach Bresckaj vobłaści, kab nie dapuścić pašyreńnia vostrych reśpiratornych infiekcyj, taksama ŭviali časovaje abmiežavańnie na płanavyja špitalizacyi ŭ stacyjanar. Heta nie tyčycca pacyjentaŭ ankałahičnaha profilu i tych, chto maje patrebu ŭ vysokatechnałahičnych apieratyŭnych umiašańniach. Ekstranaja dapamoha, jak i naležyć, akazvajecca nieadkładna i ŭ poŭnym abjomie.
Taksama va ŭsioj krainie abmiežavali naviedvańnie balnic rodnymi pacyjentaŭ.
