pixabay.com
Učora z tureckaha porta Džejchan vyjšaŭ pieršy tankier z azierbajdžanskaj naftaj marki Azeri Light dla Mazyrskaha NPZ. Abjom pastaŭki — 90 000 ton. Syravina budzie dastaŭlena va ŭkrainski port Adesa, adkul jaje dalej pieravalać na Mazyrski NPZ pa trubapravodzie Adesa — Brody.
Raniej było zaklučana pahadnieńnie ź dziaržaŭnaj naftavaj kampanijaj Azierbajdžana Socar ab pastaŭkach u sakaviku dźviuch partyj nafty tankierami z ahulnym abjomam kala 170 000 ton. Ale, jak stała viadoma, abjom pastavak pavialičyŭsia, paviedamiŭ aficyjny pradstaŭnik kancerna «Biełnaftachim» Alaksandr Ciščanka, piša sb.by
— Abjom pastavak ad Socar na sakavik pavialičyŭsia, budzie treci tankier. Ahulny abjom składzie kala 250 000 ton nafty. Heta nie krajnija tankiery, jakija płanujucca dla našych zavodaŭ. Z terytoryi Ukrainy syravina budzie dastaŭlacca pa naftapravodzie Adesa — Brody. Hety naftapravod hatovy da pracy z takoj naftaj.
Prykładna 20 sakavika płanujecca vychad druhoha tankiera z azierbajdžanskaj naftaj, ale ŭžo z hruzinskaha porta Supsa.
