Płanavaja afarboŭka vaz na pr. Niezaležnaści projdzie hetaj viasnoj pry ŭstalavańni spryjalnaha nadvorja. Pra heta, jak pišuć «Minsk-naviny», raspavioŭ padčas pramoj telefonnaj linii namieśnik staršyni Minharvykankama Alaksandr Darachovič.
— Ministerstvam kultury RB vyznačana adcieńnie, jaho i budzie vykarystoŭvać «Harramaŭtadar» pry vykanańni rabot, — skazaŭ A. Darachovič.
Nahadajem, u 2018 h. vazy pafarbavali ŭ jarka-žoŭty koler, u niekatorych haradžan takoje rašeńnie vyklikała pratest. Darečy, žoŭtymi hetyja elemienty tady stali nie ŭpieršyniu. U hetym možna pierakanacca, pahladzieŭšy na staryja panaramy na Jandeks.Kartach.
