Saudaŭskaja Aravija maje namier pavialičyć zdabyču nafty ŭ krasaviku da dziesiaci miljonaŭ baralaŭ u sutki na fonie admovy Rasii ŭzhadnić novuju ździełku pa skaračeńni naftazdabyčy ŭ ramkach APIEK+, paviedamlaje ahienctva Bloomberg sa spasyłkaj na daśviedčanyja ŭ pieramovach krynicy.
Fota Nadziei Bužan.
Er-Ryjad płanuje pavysić zdabyču nafty da bolš za dziesiać miljonaŭ baralaŭ u sutki, što ŭ realijach naftavaha rynku «ekvivalentna abjaŭleńniu vajny», a kali spatrebicca — vyšej rekordnych 12 miljonaŭ baralaŭ u sutki.
Akramia taho, Er-Ryjad prapanavaŭ niekatoryja vidy svajoj syroj nafty pa bolš tannaj canie — nižej na 6-8 dalaraŭ za baral. Jak udakładniaje krynica, saudaŭskaja naftavaja kampanija Saudi Aramco prapanavała naftu marki Arab Light dla naftapierapracoŭčych pradpryjemstvaŭ u paŭnočna-zachodniaj Jeŭropie sa źnižkaj vosiem dalaraŭ za baral.
Metaj takoha kroku źjaŭlajecca pieraškodzić rasijskim kampanijam pradavać svaju naftu ŭ Jeŭropie.
