Čarhovyja prajmieryz na vyłučeńnie adzinaha kandydata ad demakratyčnaj apazicyi prajšli ŭ Miorach. Na sustreču navat zavitali pradstaŭniki miascovaj ułady, paviedamlaje fejsbuk-staronka «Adziny kandydat 2020».
18 čałaviek brali ŭdzieł u hałasavańni.
Pieramohu atrymaŭ Pavieł Sieviaryniec z 11 hałasami. 2 hałasy ŭ Volhi Kavalkovaj, 4 u Mikałaja Kazłova, 0 u Janukieviča i Hubareviča, 1 biuleteń pryznali niesapraŭdnym.
Jak paviedamiŭ Svabodzie Pavieł Sieviaryniec, hałasavańnie ŭ Miorach stała pieršym, kudy zavitaŭ pradstaŭnik uładaŭ.
«Na sustreču pryjšoŭ namieśnik staršyni Miorskaha rajvykanakamu Valer Draba. Jon aktyŭna ŭdzielničaŭ, zadavaŭ šmat pytańniaŭ: pra sielskuju haspadarku, pra dohlad za dziećmi. Taksama jon byŭ adzinym, chto padniaŭ ruku, kali my spytali, chto ličyć, što ŭ Biełarusi sumlennyja vybary. Valer Draba skazaŭ, što padlikovyja kamisii pracujuć prazrysta i luby moža ŭ hetym pierakanacca», — raskazaŭ Sieviaryniec.
Fota Siarhieja Hudzilina.
