Śledčy kamitet inicyjavaŭ niekalki zakanadaŭčych normaŭ u halinie raspaŭsiudžvańnia parnahrafii. U viedamstvie ličać nieabchodnym viarnucca da pytańnia źmiakčeńnia adkaznaści za nieŭśviadomlenyja łajki pad porna. Pra heta paviedamiŭ u prahramie «Tydzień» na telekanale STB staršynia Śledčaha kamiteta Ivan Naskievič.
Jašče ŭ 2017 hodzie Śledčy kamitet vystupiŭ ź inicyjatyvaj dekryminalizacyi častki 1 artykuła 343 Kryminalnaha kodeksa, prapanoŭvajučy ŭvieści administracyjnuju prejudycyju pry raspaŭsiudzie parnahrafii ŭ peŭnych situacyjach. Naprykład, kali byŭ pastaŭleny łajk pry atrymańni praź miesiendžary peŭnaj infarmacyi parnahrafičnaha źmiestu.
«My zychodzim z taho, što takija dziejańni majuć nievysokuju hramadskuju niebiaśpieku. I ich možna adrehulavać administracyjna-pravavymi mietadami», — rastłumačyŭ Ivan Naskievič.