U infarmacyjnym poli źjaviłasia niekalki mifaŭ pra karanavirus. Pra samyja raspaŭsiudžanyja ź ich raspavioŭ ministr achovy zdaroŭja Uładzimir Karanik u efiry ANT.
Pavodle pieršaha mifa, suprać karanavirusa nie farmirujecca imunitet i im možna chvareć šmat razoŭ.
Nasamreč farmirujecca, — adznačyŭ Karanik. — Prajšła infarmacyja, što byli pacyjenty, jakija paŭtorna zarazilisia hetaj infiekcyjaj. Kali my hutaryli z ekśpiertami SAAZ, jany adznačali: pieršyja testy na vyjaŭleńnie RNK-virusa pakazvali značny adsotak iłžyvych stanoŭčych vynikaŭ.
Atrymlivajecca, što heta byŭ nie karanavirus, a inšaja chvaroba. Pacyjent stanaviŭsia zdarovym, a paśla ŭ paŭsiadzionnym žyćci sapraŭdy zachvareŭ na karanavirus. Taki vypadak razumieli jak paŭtornaje zaražeńnie.
Mif numar dva: karanavirusnaja infiekcyja vyklikaje ŭstojlivaje paražeńnie imunitetu i pa ŭździejańni jana padobnaja na ŚNID. Pierachvareŭšy joj čałaviek nibyta zastajecca hłybokim invalidam.
Sprava ŭ tym, što kitajskija lekary, kali padbirali roznyja varyjanty supraćvirusnaha lačeńnia, sprabavali vykarystoŭvać preparaty dla lačeńnia VIČ i ŚNID. Miedykamienty zreahavali, adnak heta nie značyć, što jany niehatyŭna ŭździejničajuć na arhanizm.
