Ekanamičnaja sistema Biełarusi pavinna być nacelena na biezumoŭnaje zabieśpiačeńnie intaresaŭ ludziej. Ab hetym kiraŭnik dziaržavy Alaksandr Łukašenka zajaviŭ siońnia na naradzie z kiraŭnictvam Saŭmina, pieradaje BIEŁTA.
Łukašenka vyrašyŭ abmierkavać z členami ŭrada i inšymi ŭdzielnikami narady pakiet prajektaŭ narmatyŭnych aktaŭ. Pavodle jaho słoŭ, dakumienty zakranajuć šyroki śpiektr pytańniaŭ i prajmajuć važnyja śfiery žyćcia hramadstva. «Tamu da ich padpisańnia źjaviłasia nieabchodnaść udakładnić, ci dastatkova abhruntavanyja hetyja prapanovy? Ci patrebnyja jany naohuł? Ci jość va ŭsich zacikaŭlenych ŭzhodnienaść u ich dalejšaj realizacyi? Ci praličyli raspracoŭščyki ŭsie nastupstvy?» — zapytaŭ kiraŭnik dziaržavy.
U pieršuju čarhu Alaksandr Łukašenka zakranuŭ pytańni, niavyrašanaść jakich ludzi ŭ pieršuju čarhu adčuvajuć na sabie. «Heta tyčycca harantyj pravoŭ rabotnikaŭ na finansava niezamožnych pradpryjemstvach. Pytańnie, što nazyvajecca, z baradoj. Nijakich kampramisaŭ, viadoma, być nie moža, i ŭsia ekanamičnaja sistema krainy pavinna być nacelena na biezumoŭnaje zabieśpiačeńnie intaresaŭ ludziej. Nijakaha papulizmu tut niama», — zajaviŭ jon.
