Cana fjučarsa na naftu marki Brent z pastaŭkaj u mai 2020 hoda raście na 7,22% — da $ 35,85 za baral, śviedčać danyja tarhoŭ na biržy ICE ŭ Łondanie, piša tass.ru.
Pry hetym cana nafty marki WTI dasiahnuła $32,38 za baral (plus 4,02%).
U paniadziełak cana fjučarsa na naftu marki Brent z pastaŭkaj u mai 2020 hoda padčas tarhoŭ na biržy ICE ŭ Łondanie ŭ piku źnižałasia da $31,02 za baral. Cana krasavickaha fjučarsa nafty WTI tarhavałasia na ŭzroŭni $27,59 za baral.
Nafta padaje na fonie navin ab tym, što krainy APIEK+ pa vynikach pieramovaŭ u Vienie nie zmahli damovicca ab dadatkovym skaračeńni zdabyčy nafty va ŭmovach padzieńnia popytu z-za karanavirusa. APIEK prapanoŭvała dadatkova źnizić zdabyču na 1,5 młn barelaŭ u sutki da kanca 2020 hoda. Adnak suprać hetaj prapanovy vystupili Rasija i Kazachstan.
