Navukoŭcy Sinhapura vyznačyli novyja simptomy vyklikanaha karanavirusam zachvorvańnia, jakija mohuć stvarać iłžyvuju karcinu ab najaŭnaści ŭ pacyjenta lichamanki denhie, piša tass.ru sa spasyłkaj na hazietu The Straits Times.
«Pacyjent pastupaje z typovaj kliničnaj karcinaj dla denhie — vysokaja tempieratura i syp. Pry hetym u jaho niama zvykłych dla COVID-19 simptomaŭ — nasmarku, kašlu, bolu ŭ horle», — adznačajecca ŭ dakładzie. Bolš za toje, časam łabaratornyja daśledavańni «mohuć pakazvać stanoŭčyja vyniki na denhie», — pryznali navukoŭcy.
Pa ich słovach, «ciapier vielmi važna pravodzić dakładnuju dyjahnostyku na karanavirus, pakolki niapravilnaje lačeńnie moža być niebiaśpiečnym nie tolki dla pacyjenta, ale i dla navakolnych». Za apošni čas u Sinhapury było adznačana ŭžo dva padobnyja vypadki, kali pieršapačatkova dyjahnastavali denhie, a kali situacyja nie palapšałasia, pravodzilisia analizy, jakija paćviardžali najaŭnaść karanavirusa.
Ad pačatku 2020 hoda tut było adznačana bolš jak 3,6 tys. vypadkaŭ zachvorvańnia hetaj trapičnaj lichamankaj. Razam z tym situacyja z denhie ŭ susiednich krainach našmat ciažejšaja. Naprykład, u Indanezii za pieršyja dva miesiacy było zafiksavana bolš jak 14,7 tys. tych, chto zachvareŭ, 94 čałavieki pamierli.
