U Biełarusi kolkaść vylečanych ad karanavirusnaj infiekcyi pavialičyłasia da troch čałaviek, paviedamlaje Minzdaroŭja.

U studenta ź Irana atrymany treci admoŭny vynik testu. U dvuch pacyjentaŭ, ź jakimi jon blizka kantaktavaŭ, na siońniašni momant taksama atrymany admoŭnyja vyniki testaŭ. Na hetym tydni paśla zaviaršeńnia mierapryjemstvaŭ łabaratornaha i kliničnaha kantrolu ŭsie try pacyjenty buduć vypisanyja sa stacyjanara.

Stan usich astatnich pacyjentaŭ, u jakich byŭ dyjahnastavany COVID-19, zdavalniajučy. Tempieratura narmalnaja, pravodzicca łabaratorny kantrol i mierapryjemstvy miedycynskaha nazirańnia.

Što tyčycca troch pacyjentaŭ, jakija adnosiacca da kantaktaŭ I-ha ŭzroŭniu, pacyjentaŭ, što viarnulisia ź Italii, u jakich na vychodnych pryjšli try stanoŭčyja testy, to na siońniašni dzień vyniki analizaŭ na najaŭnaść RNK karanavirusa paćvierdzilisia.

Adnak previentyŭnaja izalacyja dadzienych pacyjentaŭ i adekvatnaje miedycynskaje supravadžeńnie dazvolili nie dapuścić dalejšaha raźvićcia chvaroby i raspaŭsiudžvańnia zachvorvańnia. Na siońnia hetyja try pacyjenty adčuvajuć siabie zdavalniajuča. Tempieratura narmalnaja, skarhaŭ niama, paviedamlaje Minzdaroŭja.

Клас
0
Панылы сорам
0
Ха-ха
0
Ого
0
Сумна
0
Абуральна
0