Na jutub-kanale prychilnikaŭ Mikoły Statkieviča źjavilisia videazvaroty jašče dvuch aktyvistaŭ, jakija padaduć dakumienty na rehistracyju inicyjatyŭnaj hrupy dla zboru podpisaŭ dla ŭdziełu ŭ prezidenckich vybarach-2020.

Minski biznesmien Alaksandr Hračyšnikaŭ udzielničaŭ u miascovych vybarach-2018, jaho hadavy dachod byŭ adnym z samych vysokich z usich staličnych kandydataŭ. Biznes Hračyšnikava — heta praduktovaja krama, a taksama ramont aŭtamabilaŭ. U videazvarocie jon pradstaviŭsia jak siabar Biełaruskaj asacyjacyi kikboksinha i tajskaha boksa. I raskazaŭ, što niadaŭna na jaho zaviali padazronuju kryminalnuju spravu za machlarstva.

Inšaja kandydatka — lidskaja piensijanierka Rehina Bierkus, siastra miascovaha aktyvista supołki BNF Stanisłava Bierkusa. Jana chadziła na letašnija parłamienckija vybary, ale ŭrešcie źniała svaju kandydaturu. U Rehiny Bierkus apošnimi dniami taksama adbyłosia nieparazumieńnie z pravaachoŭnikami — na žančynu skłali pratakoł za toje, što jana vypuskała vyratavanych katoŭ na dach kramy «Adzieńnie» ŭ centry Lidy, a taksama ŭtrymlivaje biazdomnych katoŭ u padvale doma. 

Prychilniki Statkieviča nazyvajuć siabie «kandydatami pratestu». Status pretendentaŭ u prezidenty dazvolić palityku lehalna pravodzić akcyi pratestu pa ŭsioj krainie. Traplać u vybarčyja biuleteni 30 jaho prychilnikaŭ nie źbirajucca.

Čytajcie. Volha Nikałajčyk pojdzie ŭ prezidenty ad błoka 30 siabroŭ Statkieviča

Клас
0
Панылы сорам
0
Ха-ха
0
Ого
0
Сумна
0
Абуральна
0