«Jak pravilna myć ruki. I heta nie tak prosta» — videainstrukcyja z takoj nazvaj vyjšła ŭ samaje čytanaje na partale Politiken u Danii, paśla taho jak za dva dni kolkaść zaražeńniaŭ u krainie padskočyła da 159. Heta 25 na kožny miljon nasielnictva.
Kiraŭnictva ŭrada Danii na pres-kanfierencyi zaklikała ludziej źmianić zvyčki, admovicca ad niepatrebnych padarožžaŭ i staracca nie padarožničać u hramadskim transparcie ŭ hadziny pik.
Akramia taho, va ŭniviersitetach buduć začynienyja čytalnyja zały, stałoŭki i admienienyja dyskateki.
«Pakul chvarejuć pieravažna maładyja ludzi, — zajavili pradstaŭniki ŭrada. — Ale niebiaśpieka ŭ tym, što jany mohuć pieradać infiekcyju ludziam starejšaha ŭzrostu, jakija jaje ź ciažkaściu pieranosiać».
