Uładzimir Pucin pahadziŭsia «abnulić» svaje prezidenckija terminy, kali na heta daść dazvoł Kanstytucyjny sud Rasii. Jaho zhoda była aformlena «pa prośbach hramadskaści».
Inicyjatyvu prajaviła deputatka-kasmanaŭtka Valancina Cieraškova padčas pasiadžeńnia Dziaržaŭnaj Dumy Rasii. Jana prapanavała abnulić prezidenckija terminy Pucina.
U adkaz toj terminova pryjechaŭ u Dumu i začytaŭ z papierki svaju zhodu.
«U doŭhaterminovaj pierśpiektyvie hramadstva pavinna mieć harantyi, što rehularnaja źmiena ŭłady budzie zabiaśpiečana. Liču niemetazhodnym prybirać abmiežavańnie pa kolkaści terminaŭ», — adznačyŭ Pucin.
«[Ale] abnuleńnie terminaŭ mahčyma, kali Kanstytucyjny sud daść aficyjnaje zaklučeńnie, što hetaja papraŭka nie budzie supiarečyć asnoŭnym pazicyjam Kanstytucyi», — skazaŭ Pucin.