Na dniach apieratyŭniki Kastryčnickaha RUUS Minska zatrymali 27-hadovaha maładoha čałavieka pa padazreńni ŭ kradziažy majomaści, paviedamlaje aficyjny pradstaŭnik MUS Volha Čamadanava ŭ svaim telehram-kanale.
U kancy lutaha ŭ minskuju milicyju źviarnułasia žančyna. Jana paviedamiła pra źniknieńnie bankaŭskaj karty i mabilnika paśla sustrečy z mužčynam, ź jakim paznajomiłasia ŭ internecie na sajcie znajomstvaŭ.
U pole zroku apieratyŭnikaŭ trapiŭ 27-hadovy žychar Puchavickaha rajona, raniej sudzimy. Jak vyśvietliłasia, paśla znajomstva praź internet jon prapanavaŭ novaj znajomaj sustrecca. Na zdymnaj kvatery nieprykmietna zabraŭ ź jaje kašalka bankaŭskuju kartu z zapisanym PIN-kodam, a ranicaj pazyčyŭ u dziaŭčyny mabilnik. Jana źviarnułasia ŭ milicyju paśla taho, jak vyjaviła adsutnaść hrošaj na bankaŭskim rachunku i nie atrymała nazad telefon.
Paźniej staličnyja milicyjaniery vyśvietlili jašče dźviuch paciarpiełych. Ahulnaja suma naniesienaj im škody skłała kala 1300 rubloŭ. Nie vyklučana, što achviaraŭ moža być bolš.
Śledčymi dadziena pravavaja acenka, raspačata kryminalnaja sprava.
