Karanavirus znojdzieny ŭ kamandujučaha Uzbrojenymi siłami Polščy hienierała Jarasłava Miki paśla pajezdki ŭ Hiermaniju. Pra heta paviedamiła ŭ aŭtorak u Twitter Minabarony Polščy.
«Asoby, jakija supravadžali hienierała, byli izalavany. Kamandujučy adčuvaje siabie dobra», — adznačajecca ŭ paviedamleńni.
U Polščy na dadzieny momant zafiksavana 20 paćvierdžanych vypadkaŭ vyklikanaha novym karanavirusam zachvorvańnia, 467 čałaviek špitalizavanyja z padazreńniem na karanavirus i bolš jak tysiača znachodzicca va ŭmovach chatniaha karancinu. Ułady ŭviali kruhłasutačny sanitarny kantrol na miežach i pryniali rašeńnie admianić usie masavyja mierapryjemstvy.
