2 sakavika ŭ milicyju źviarnułasia žycharka Minskaha rajona i paviedamiła, što kampanija maładych ludziej paškodziła aŭtamabil, jaki stajaŭ kala darohi. Incydent zdaryŭsia dniom pablizu sadovaha tavarystva «Zapadhorje», paviedamlaje pres-słužba MUS.
Na miescy zdareńnia milicyjanty vyjavili Mercedes z pabitymi šybami, farami i lichtarami. U aŭto byli adarvanyja lusterki, pakamiečany kuzaŭ i prabityja koły.
— My znajšli haspadara mašyny, jaki jašče letaś addaŭ jaje ramantavać znajomamu. Vyśvietliłasia, što spačatku aŭtamabil stajaŭ na terytoryi sadovaha tavarystva, a paśla jaho pryparkavali kala ŭzbočyny. Tam «niemiec» prastajaŭ vielmi doŭha, pakul jaho nie raskuročyli padletki, — raspaviali ŭ Ždanovickim adździele milicyi.
Pra toje, što heta byli niepaŭnaletnija, dakładna nieviadoma. Adnak adzin ź vidavočcaŭ sfatahrafavaŭ kampaniju moładzi, jakija mohuć być datyčnyja da zdareńnia. Ciapier ich asoby vyśviatlajuć.
Infarmacyju ab hetym kryminalnym incydencie albo miescaznachodžańni datyčnych da jaho asob pravaachoŭniki prosiać paviedamlać pa telefonach: 8-017-511-35-55; 8-029-315-16-62 albo 102.
Kanfidencyjnaść harantujecca.
