Situacyja z karanavirusam u Biełarusi kantralavanaja. Pacyjenty, u jakich była dyjahnastavana infiekcyja, znachodziacca ŭ zdavalniajučym stanie. U čaćviarych užo jość admoŭnyja testy na karanavirus — ludziej nazirajuć nieabchodny pieryjad. U adnaho z zaražanych karanavirusam — stan siaredniaj stupieni ciažkaści. Pra heta kiraŭnik Ministerstva achovy zdaroŭja Uładzimir Karanik raspavioŭ žurnalistam paśla dakładu kiraŭniku krainy, paviedamlaje telekanał STB.

«Pacyjent, jaki byŭ špitalizavany 9 sakavika ŭ Minsku ź pnieŭmanijaj u nie vielmi dobrym stanie, u stanie siaredniaj stupieni ciažkaści. Jon schavaŭ i ad nas, i ad supracoŭnikaŭ «Łade», što znachodziŭsia ŭ Paŭnočnaj Italii, bo prylacieŭ jon rejsam ź Miunchiena. U nas jość peŭnyja čyrvonyja ściažki, jakija my pastavili, kab nie prapuścić vypadki infiekcyi. Usie pnieŭmanii siaredniaj stupieni ciažkaści i pnieŭmanii ciažkaha ciačeńnia abaviazkova typujucca na najaŭnaść karanavirusa. Nie važna, havoryć čałaviek, što jon byŭ ci nie byŭ za miažoj — my typujem usich.

10 sakavika pryjšoŭ stanoŭčy test. Dziakuj vielmi dobramu supracoŭnictvu z našymi kitajskimi kalehami pa schiemie lačeńnia, jakaja na siońnia ličycca najbolš efiektyŭnaj. Heta zaćvierdžana ŭžo ŭ vyhladzie instrukcyi i razasłana va ŭsie miedustanovy. Nieadkładna byli ŭžytyja hetyja padychody da lačeńnia. Na siońniašni momant prykmiety dychalnaj niedastatkovaści syšli, pacyjent pieraviedzieny ŭ zdavalniajučy stan.

My jašče raz havorym, — padkreśliŭ Karanik, — što čym paźniej čałaviek źvierniecca pa miedycynskuju dapamohu — tym daŭžej jamu treba budzie lačycca i tym vyšejšy šaniec raźvićcia ŭskładnieńniaŭ».

Ministr paraiŭ ludziam, jakija viarnulisia ź niespryjalnych rajonaŭ, zdać test, na praciahu dvuch tydniaŭ abmiežavać svaje kantakty, nie naviedvać hramadskija miescy i svaich pažyłych svajakoŭ.

11 sakavika Ministerstva achovy zdaroŭja Biełarusi paviedamiła, što ŭ Biełarusi zarehistravana 12 vypadkaŭ karanavirusa: u Minsku — piać, u Viciebsku — piać, u Homieli i Hrodnie — pa adnym.

Клас
Панылы сорам
Ха-ха
Ого
Сумна
Абуральна