Paŭlina Cimochina, salistka i stvaralnica hurta Paulinn, nie tak daŭno vystaviła na prodaž usie svaje muzyčnyja instrumienty, raspuściła hurt i źjechała ŭ Polšču.

Na svajoj staroncy Ukantakcie jana patłumačyła rašeńnie tak: «Piać hod my rabili kłasnuju muzyku, byvali pośpiechi, byvali i niaŭdačy, minuły hod atrymaŭsia bahatym na relizy i kancerty. Ale, na žal, ničoha nie atrymałasia. Da mianie pryjšła dzikaja stomlenaść i adčuvańnie bieskarysnaści ŭsich hetych vysiłkaŭ, biessensoŭnaść taho, što adbyvajecca. Mianie pierastała radavać usio. Akramia stomlenaści, ničoha nie adčuvaju. Na žal, za hety čas nam tak i nie ŭdałosia sfarmavać svaju niachaj i nievialikuju, ale mocnuju aŭdytoryju».

U Polščy Paŭlina da žniŭnia vučycca pa stypiendyjalnaj prahramie Gaude Polonia. Što budzie rabić, kali navučańnie skončycca, pakul nie viedaje. Ale ciapier Paŭlina adznačaje, što znachodzicca ŭ stanie «pierazahruzki» i što čas ad času heta patrebna lubomu tvorčamu čałavieku.

Čytajcie. Navinka ŭ płejlist: znajomimsia ź biełaruskamoŭnaj śpiavačkaj Paulinn, jakaja kidaje vyklik prymityŭnym tekstam FOTY, AŬDYJA

«Ja ščyra liču, što my rabili jakasny pradukt, pryčym na biełaruskaj movie, — adznačaje śpiavačka. — U svaim prafiesijanaliźmie i talencie my ničym nie sastupali bolšaści prysutnych u biełaruskaj muzyčnaj prastory, a ŭ pracavitaści, mahčyma, i pieraŭzychodzili niekatorych. Ale samaje važnaje, što kožny dzień my stanavilisia lepšymi, čym byli ŭčora. Ja šalona hanarusia ŭsim, što było za hetyja 5 hod! I tamu jašče bolš baluča prymać takija rašeńni».

U svoj čas Paŭlinu Cimochinu nazyvali adkryćciom u biełaruskaj muzycy. Razam sa svaim prajektam Paulinn jana vypuściła albom «Adčuvaj», a taksama mini-albom «Madulacyja», jaki staŭ najlepšym albomam siezonu 2018/2019 pavodle vybaru naviedvalnikaŭ partału TuzinFM.

Na rachunku śpiavački i jaje duet sa Źmitrom Vajciuškievičam, vystupy na fiestyvalach «Bardaŭskaja vosień» i «Basovišča», naminacyja na «Pieśniu hoda Biełarusi» na ANT, a taksama solny vystup na «Belsat Music Live».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?