Palityčny analityk Arciom Šrajbman raspavioŭ u prahramie «Tok» z Nastaśsiaj Roŭdaj, čamu ni pieršaja, ni druhaja jaho žonka nie ŭziali jaho proźvišča.
— Ty ažaniŭsia sa svajoj druhoj žonkaj Vikaj Łud. Čamu ty ženišsia ŭ naš čas, kali možna nie žanicca (heta biez najezdaŭ, ja tolki za)? Čamu dla ciabie heta važna?
— Ja nikoli nie bačyŭ hetamu pieraškodaŭ, u mianie nikoli nie było strachu pierad šlubam, u mianie nie było adčuvańnia, što ja pavinien zrabić heta tolki paśla 30 hod. Moža być, zakłałasia, što maje baćki rana ažanilisia: ja ŭ mamy naradziŭsia ŭ 20 hod, naprykład.
Ź pieršaj žonkaj my davoli doŭha byli ŭ adnosinach — heta byŭ łahičny krok. Ź Vikaj my niadoŭha byli ŭ adnosinach na momant šlubu, mienš za hod. Ale ja razumieŭ, što z hetym čałaviekam stasunki buduć vielmi doŭhimi, — ja heta bačyŭ, adčuvaŭ, tamu nie bačyŭ sensu ciahnuć. Tym bolš tady ja źjazdžaŭ na vučobu ŭ Anhliju, pa papierach lahčej było aformić adnosiny, čym dakazvać pa fatahrafijach, rachunkach z restarana ci jašče niejak, što vy ŭ stasunkach. Ja razumieŭ, što my ŭsio roŭna da hetaha pryjdziem.
— Čamu ni pieršaja, ni druhaja žonki nie ŭziali tvajo proźvišča?
— Treba ŭ ich spytać.
Moj typ dziaŭčat, žančyn — samastojnyja, mocnyja, upeŭnienyja ŭ sabie, ambicyjnyja. Takija žančyny prosta radziej schilnyja brać proźvišča muža. Mabyć, tamu. Mianie prosta ciahnie da mocnych žančyn, chutčej, čym da słabych.
Heta nikoli nie było majoj prośbaj — «vaźmi majo proźvišča što b tam ni było» — heta nikoli nie było pytańniem sprečak, abmierkavańniaŭ. Tak zachacieli.
Vypusk całkam:
- 0:35 — kali sutykaŭsia z antysiemityzmam,
- 2:54 — što padabajecca i nie padabajecca ŭ Izraili,
- 5:36 — ci adčuvaje siabie biełaruskim patryjotam,
- 5:48 — pra panty na fakultecie mižnarodnych adnosin BDU,
- 8:55 — hałoŭnaja prablema biełaruskaj adukacyi,
- 11:26 — čamu spačatku nie ŭziali na Tut.by,
- 13:25 — chto navučyŭ žurnalistycy,
- 15:05 — samacenzura
- 16:57 — čamu nie pisaŭ pra fienomien Koli Łukašenki,
- 17:28 — čamu nie zakranaje temu žančyn u asiarodździ Łukašenki,
- 18:59 — jak vierbavali ŭ KDB,
- 20:30 — jak rabić palityčnuju analityku bieź insajdaŭ,
- 23:47 — palityčnaja situacyja ŭ Biełarusi,
- 27:59 — ci varta čakać bolš žorstkaha dziaržaŭnaha kiravańnia,
- 29:22 — čamu chodzić na vybary i za kaho hałasavaŭ u 2010-m,
- 33:04 — jak stavicca da Moładzievaha błoka,
- 35:21 — što moža razvarušyć biełaruskuju apazicyju,
- 36:58 — chto samy mocny biełaruski apazicyjny palityk,
- 37:27 — chto, kali nie Łukašenka,
- 39:55 — kali i jak sydzie Łukašenka,
- 41:39 — ci źmienicca štości ŭ palityčnym płanie ŭ bližejšyja piać hod,
- 42:20 — ci stanie žančyna prezidentam Biełarusi,
- 43:28 — ci majuć Natalla Kačanava i Natalla Ejsmant palityčnuju moc,
- 45:18 — pra pieršy šlub,
- 48:13 — jakija žančyny padabajucca,
- 49:01 — što dumaje pra fieministak i ci sam fieminist.
«Tok» ź Siarhiejem Čałym
«Tok» ź Viktaram Babarykam
«Tok» z Tadevušam Kandrusievičam
