Va Ukrainie zafiksavana pieršaja śmierć z-za karanavirusa. Pra heta zajaviła savietnik ministra achovy zdaroŭja, doktar-infiekcyjanist Volha Hałuboŭskaja, piša «RBK-Ukrajina».

Jak adznačyła lekar, pamior čałaviek, jaki pražyvaŭ u horadzie Radomyšl Žytomirskaj vobłaści.

«Na žal, pieršy pamierły ad COVID-19. Žytomirskaja vobłaść», — napisała jana.

Paźniej ukrainskaje minzdaroŭja paćvierdziła hetuju infarmacyju. Zahinuła 71-hadovaja žančyna.

71-hadovaja žančyna z Žytomirskaj vobłaści viarnułasia 1 sakavika z Polščy va Ukrainu.

U žančyny infiekcyju vyjavili 12 sakavika, jana nie adrazu źviarnułasia pa dapamohu daktaroŭ i nie samaizalavałasia paśla viartańnia z-za miažy, paviedamlajuć miascovyja ŭłady.

3 sakavika ŭ žančyny pahoršyłasia samaadčuvańnie, ale jana nie źviartałasia da lekaraŭ. Jaje špitalizavali ŭ rajonnuju balnicu ŭ Radomyšl 12 sakavika.

BBC paviedamlaje, što žančyna 8 sakavika naviedvała carkvu i całavała ikonu.

Taksama žančyna paśla pryjezdu z Polščy haściavała ŭ svaich svajakoŭ ŭ Lvoŭskaj vobłaści, ale jany nie zachvareli.

Клас
0
Панылы сорам
0
Ха-ха
0
Ого
0
Сумна
0
Абуральна
0