Ad 13 sakavika aŭtacentr «Atłant-M Baravaja» pačaŭ pradavać Geely.

Adkryćcio novaha aficyjnaha dylerskaha centra prajšło ŭ farmacie kaśmičnaha padarožža — mienavita takaja stylistyka była abranaja dla ŭračystaści.

Na praciahu 29 hadoŭ isnavańnia «Atłant-M» paśpieła papracavać z 14 aŭtamabilnymi brendami, ale Geely stała pieršaj ajčynnaj markaj, pradstaŭlenaj u aŭtacentry. Dla pakupki dastupny ŭvieś madelny šerah aŭtamabilaŭ: Atlas, Emgrand X7, Emgrand 7, CoolRay.

U sałonie stvoranyja ŭsie ŭmovy, kab pakupniki zmahli adčuć kamfort ad kiravańnia novaj Geely. Vam navat papkorn prapanujuć, pakul vy budziecie siadzieć u sałonie i ŭdychać pach novaj mašyny.

Geely pastupova zavajoŭvaje davier u biełarusaŭ: za minuły hod u Biełarusi było pradadziena bolš za 7000 aŭtamabilaŭ marki, ź ich kala 4500 — u stalicy.

«My bačym cikavaść klijentaŭ da Geely, tamu ŭ našaha aŭtacentra ŭžo hatovyja niekalki pryvabnych prapanoŭ, kab zaachvocić kuplać mašyny mienavita hetaj marki. Naprykład, kožny klijent maje piersanalnaha mieniedžara, maje asabisty kabiniet, dzie jość infarmacyja pra ŭsiu historyju aŭtamabila. Jość bonusnaja nazapašvalnaja prahrama. My prapanujem vysakajakasny klijencki servis, a taksama sistemu Trade In, kali vy možacie vyhadna zdać staruju mašynu ŭ zalik novaj», — raskazvaje kiraŭnik «Atłant-M Baravaja» Dźmitryj Ihnatovič.

Hienieralny dyrektar «Biełdžy» Hienadź Śvidzierski dadaŭ, što prezientacyja novaha dylerskaha centra ŭ styli kaśmičnych padarožžaŭ — heta ni ŭ jakim razie nie pra chutkaść kiravańnia.

«Kaśmičnyja chutkaści ŭ aŭtapramie — heta moža być niebiaśpiečna. My ŭsio ž chočam, kab aŭtamabili Geely asacyjavalisia ź biaśpiekaj, kamfortam, nadziejnaściu. A što datyčycca kaśmičnych płanaŭ na budučyniu, to jany ŭ nas zusim nie zavobłačnyja, a całkam realnyja. My chočam u 2020 hodzie ŭziać płanku ŭ 10 tysiač pradadzienych za hod aŭtamabilaŭ. I adkryćcio čaćviortaha dylerskaha centra, miarkuju, nam u hetym dapamoža», — skazaŭ Hienadź Śvidzierski.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?