10 sakavika ŭ sudzie Kastryčnickaha rajona Mahilova zahinuŭ čałaviek. Abvinavačany 44-hadovy Valeryj Siaroŭ uskryŭ vieny i ściok kryvioju. Vyklikali chutkuju, ale vyratavać jaho nie zmahli.

Valeryj Siaroŭ

Valeryj Siaroŭ

Aficyjnaha kamientaru pakul niama. Ale viadoma, što Siarova abvinavačvali ŭ kradziažy, jamu pahražała da 4 hadoŭ. Situacyja ciažkaja dla luboha čałavieka, ale heta nie abvinavačvańnie ŭ zabojstvie ci hvałcie. 

Dyk što tady padšturchnuła darosłaha mocnaha mužčynu na taki krok?

Jak raspavioŭ «Našaj Nivie» adzin sa svajakoŭ Siarova, trahiedyja adbyłasia praź źbieh abstavinaŭ. 

Valeryj Siaroŭ ździejśniŭ svoj učynak nie ŭ zale suda. Paśla pasiadžeńnia jaho adviali ŭ asobnaje pamiaškańnie, dzie jon čakaŭ pajezdki z suda ŭ SIZA. 
«I jon tam byŭ adzin. U mianie jość infarmacyja ad ludziej, ź jakimi Valera byŭ u SIZA. Jany kazali, što jon płanavaŭ uskryć vieny, kab źviarnuć uvahu na siabie i trapić paśla ŭ łazaret», — raspavioŭ svajak zahinułaha.

Praz sprobu suicydu Siaroŭ nibyta chacieŭ damahčysia bolš miakkaha pakarańnia ci, moža, trapić nie ŭ turmu, a ŭ balnicu.

Ale ž jon vybraŭ niaŭdały čas i miesca. 
«Jon parezaŭ vieny, kali byŭ adzin. Pobač musili być kanvojnyja, ale jany vyjšli, kažuć, što na pierakur.

U lubym vypadku niekatory čas ich nie było. A kali jany viarnulisia, to navat nie paśpieli akazać dapamohu Valeryju — i jon prosta ściok kryvioju», — kaža svajak Siarova.

U vyniku, daktary, jakija pryjechali ŭ sud, užo taksama nie zmahli ničoha zrabić. 
Svajak Valeryja miarkuje, što kab kanvoj akazaŭ Siarovu pieršuju dapamohu, to mužčynu b mahčyma było vyratavać.

14 sakavika Valeryja pachavajuć. Paśla svajaki pasprabujuć razabracca: dzie byŭ kanvoj, čamu Siarovu nie akazali dapamohu i jak jamu dali pranieści ŭ sud pradmiet, jakim jon parezaŭ ruki (kažuć, što heta była ci adnarazovaja brytva, ci lazo ad jaje).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?