Ministr unutranych spraŭ Ukrainy Arsien Avakaŭ zajaviŭ, što, mahčyma, nieŭzabavie miery abmiežavańniaŭ praz karanavirus va Ukrainie buduć jašče bolš žorstkim. Pra heta Avakaŭ napisaŭ na svajoj staroncy ŭ Facebook.

«Usio dosyć surjozna — treba dziejničać. Sabrana i rašuča — nie adciahvajučysia na hłupstvy. Budziem dziejničać chutka, zładžana i rašuča — skarocim śmiarotnaść ad uździejańnia virusa ŭ dziasiatki razoŭ!» — napisaŭ Avakaŭ.

Hałoŭnaj zadačaj jon nazvaŭ chutkaje zapavoleńnie raspaŭsiudžvańnia virusa va Ukrainie, minimizacyju krynic virusnaj parazy, kvalifikavanaje lačeńnie chvorych.

Avakaŭ zaklikaŭ da hihijeny, maksimalnaj izalacyi ŭ hetyja dni i minimizacyi kantaktaŭ siarod ludziej.

Nahadajem, raniej karancin uviali va ŭsich rehijonach Ukrainy.

Jon praduhledžvaje:

— zakryćcio navučalnych ustanoŭ,

— zabaronu masavych schodaŭ,

— zakryćcio dziaržaŭnaj miažy i inšaje.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?