Biełaruskija dziaržaŭnyja srodki masavaj infarmacyi nie nadajuć temie pandemii karanavirusa vialikaj uvahi.
Pa stanie na ranak niadzieli hałoŭnyja staronki dziaržaŭnych partałaŭ vyhladali voś tak:
Hałoŭnymi temami na ich zastajucca dziejnaść Alaksandra Łukašenki i top-čynoŭnikaŭ, a taksama adbor udzielnikaŭ na pop-fiestyval «Słavianski bazar» i dapamoha šmatdzietnym siemjam. Pra karanavirus paviedamlajecca, ale jak pra niešta druhasnaje i małavažnaje.
Miedyki miarkujuć, što dla źmianšeńnia vypadkaŭ zachvorvańnia na karanavirus hałoŭnaje — śviadomaść hramadzian i ich hatoŭnaść źmianić štodzionnyja zvyčki. Sanitarnyja słužby roznych krain śvietu rekamiendavali na čas pandemii čaściej myć ruki, nie dakranacca da tvaru, kali vy ŭ publičnych miescach, abmiežavać prysutnaść u hramadskich miescach, spynić niepatrebnyja pajezdki ŭ zony praniknieńnia infiekcyi.
Pavodle najaŭnych źviestak miedykaŭ, ad karanavirusa pamiraje ad 1 % (Paŭdniovaja Kareja) da 4 % (Kitaj) infikavanych asob. Asablivuju niebiaśpieku Covid-19 ujaŭlaje dla ludziej va ŭzroście starejšym za 60 hadoŭ i z chraničnymi chvarobami. Dzieci i moładź, jak praviła, majuć lohkuju formu zachvorvańnia, ale niebiaśpieka ŭ tym, što jany mohuć być pieranosčykami infiekcyi.
